७ जेष्ठ २०८१, सोमबार | Tue May 21 2024

एनआईसी एशिया लघुवित्तको शाखा प्रमुख सम्मेलन सम्पन्न


२८ फागुन, काठमाडाैँ ।  एनआईसी एशिया लघुवित्तको राष्ट्रियस्तरको शाखा प्रमुख सम्मेलन सम्पन्न भएको छ । आइतबार चितवनको सौरहामा सम्मेलन सम्पन्न भएको हो ।

सम्मेलनमा देशभरिकै कुल २८७ शाखा कार्यालयहरुका सम्पूर्ण शाखा प्रमुखहरु, प्रदेश प्रमुखहरु लगायत संस्थाको कर्पोरेट कार्यालयका विभागिय प्रमुखहरु, संस्थाका प्रमुख कार्यकारी अधिकृत, सञ्चालक समितिका अध्यक्ष एवं सञ्चालक समितिका सदस्य सहितको सहभागितामा भएको थियो । संस्थाका अनुसार उक्त सम्मेलन संस्थाको हाल सम्मकै ठूलो हो ।

सम्मेलनमा संस्थाका अध्यक्ष सुवर्ण पौडेल र प्रमुख कार्यकारी अधिकृत लक्ष्मण चालिसेले आ–आफ्नो तर्पmबाट स्वागत मन्तव्य राखेका थिए । उक्त सम्मेलनमा संस्थाले आमन्त्रित गरेका त्रिभुवन विश्वविद्यालयका सहायक प्राध्यापक तथा लघुवित्त विज्ञ डा. भरत सिंह थापाले लघुवित्तले गरिवी न्यूनिकरणमा गरेको योगदान, लघुवित्तको वर्तमान अवस्था, चुनौती र अबको लघुवित्तको बाटोको बारेमा प्रस्तुति दिएका थिए । उत्प्रेरक वक्ता रमण भट्टराईले सम्मेलनमा जिवन, जगत, काम र जिवनलाई कसरी सन्तुलनमा राख्ने भन्ने विषयमा निकै नै रोमान्चक तरिकाले सहभागी सम्पूर्ण कर्मचारीहरुलाई निकै नै उत्प्रेरित हुने तरिकाले प्रेरणदायी प्रस्तुति दिएका थिए ।

सम्मेलनमा सहभागी केहि शाखा प्रमुखहरुले लघुवित्तमा आफ्नो यात्रा, संर्घष र सफलतका विषयमा प्रस्तुति दिए । संस्था स्थापना कालदेखि निरन्तर रुपमा कार्यरत रहेका कर्मचारीहरुलाई संस्थाका अध्यक्ष र प्रमुख कार्यकारी अधिकृतद्वारा सम्मान गरिएको जनाइएको छ ।

संस्थाले सम्मेलनमा सामाजिक उत्तरदायित्व अन्तर्गत चितवन जिल्लाका विभिन्न नगरपालिकाहरुमा रहेका ५ वाट आधारभुत विद्यालयहरुका प्रधानाध्यापकज्यूहरुलाई कार्यक्रममा आमन्त्रित गरी शैक्षिक तथा मेडिकल सामाग्रीहरु वितरण गरेको थियो । विभिन्न शाखाबाट आएका सदस्यहरुले आफ्नो सफलताको कथा प्रस्तुत गरे पश्चात् उनीहरुको संघर्ष र सफलतामा हौसला प्रदान गर्दै सम्मानका साथ मायाको चिनो पनि प्रदान गरिएको थियो । संस्थाले देशको अर्थतन्त्रमा लघुवित्त संस्थाको योगदान, बचतको महत्व, कर्जाको सदुपयोगिता, डिजिटल बैकिङ्ग लगायतको विषयमा वित्तीय साक्षरता पु¥याउने हेतुले आइतबार बिहान सौराहमा प्राभातफेरी कार्यक्रम समेत गरेको जानकारी दिएको छ ।

प्रकाशित मिति : २८ फाल्गुन २०८०, सोमबार ११:४७