नेविसंघको महाधिवेशन अागामी पुस २८ गते हुने

११ मंसिर, काठमाडाैँ । नेपाल विद्यार्थी संघले महाधिवेशनको नयाँ मिति अाज सर्वजनिक गर्ने तयारी गरेको छ । अागामी पुस २८ गते महाधिवेशन गर्ने गरी नेविसंघले नयाँ मिति सार्वजनिक गर्न लागेको हो ।

नेविसंघ केन्द्रीय कार्यालयमा दिउँसो १२ः४५ बजे पत्रकार सम्मेलन गरेर नयाँ मिति घोषणा गरिने अध्यक्ष नैनसिंह महरले जानकारी दिए । अान्तरिक विवादका कारण शिथिल बनेको नेविसंघको महाधिवेशन हुन नसक्दा शुभेच्छुक विद्यार्थीहरू चिन्तित बनेका छन । समयमै महाधिवेशन गर्न नसक्दा नेविसंघको म्याद दुर्इ पटक थपिएको छ ।