सुशीला कार्कीको भाषणमा देखिएको कांग्रेसको हनुमानचालिसा

–गणेश बस्नेत
सर्वाेच्च अदालतमा लामो समय बिताएर प्रधानन्यायाधीशको रुपमा बिदा हुनुभएकी सुशिला कार्कीले शनिवार डाक्टर गोबिन्द केसीको चिन्ता गर्दै भन्नुभयो, ‘आठ–दश कक्षा पढेको व्यक्तिलाई के भनौं र खोई ?’ श्रीमान कार्कीको यो दम्भी लल्कार न्यायालयबाट अपमानपूर्वक गलहत्याउने बेला जोगाइ दिन अनुनय बिनय गर्न आफै पुग्नुभएकी बर्तमान प्रधानमन्त्री केपी शर्मा ओलीतिर लक्षित थियो ।

सडकमा ताण्डव देखाउँदै दम्भी लल्कार आइरहेको बेला कार्की श्रीमानको मुन्टो एकाएक सिंहदरवारतिर फर्किएको थियो । उहाँले यसअघि गंगामाया अधिकारीको नाममा पनि गोहीको आँसु चुहाउँदै प्रधानमन्त्री ओलीमाथि गम्भीर आक्षेप लगाउनु भएको थियो । माफिया भ्रष्टको संरक्षक बनेछ सरकार त भन्दै कार्की श्रीमान राजनीतिक मैदानमा खुट्टा राख्नु भएको उदघोष थियो । तर त्यसलाई सर्वाेच्च अदालतमा लामो समय बिताएको सम्मानित र प्रतिष्ठित श्रीमानको सुझावका रुपमा नेपाली समाजले ग्रहण गर्यो ।

आइएनजीओको फण्डिङमा भएको कार्यक्रममा कार्की श्रीमानले आफ्नो मर्यादा भुल्नुभएको तिर कसैले ध्यानै दिएन । मिडियामा ओलीमाथि प्रहार गर्ने ठुलै मसला पाइयो भनेर भंगेरे अक्षरमा लेखियो । जताततै कार्की श्रीमान छाउनु भयो । उहाँले श्रीमान सुशिला कार्कीबाट यति चाँडै श्रीमती दुर्गा सुवेदीको रुपमा आफूलाई स्खलित गराउनु भयो । सुवेदी उहाँका श्रीमान हुनुहुन्छ, जो नेपाली कांग्रेसको नेता हुन ।

कुनैबेला बिमान अपहरण गरी लामो समय कांग्रेसको राजनीतिमा छाउनु भएका सुवेदीकी श्रीमतीका रुपमा रुपान्तरित भएपछि कार्कीले समाजमा स्वेतग्रिभी आतंक मच्चाउन सुरु गर्नुभयो । आफ्नो कामबाट प्रतिष्ठा आर्जन गरी समाजले पत्याउने अवस्थामा पुगेपछि गरिने कुकर्मलाई स्वेतग्रिभी अपराध भनिन्छ । प्रतिष्ठा आर्जन गरेपछि जो ब्यक्ति मर्यादामा बस्दैन, आफ्नो दम्भका आडमा समाजमा अनेक बहाना बनाएर आतंक मच्चाउँछ, त्यो बिवेक गुमाएको बेला क्षणिक स्वार्थका लागि अराजकता मच्चाएर समाज र आम नागरिकमाथि ठुलै अपराध गर्छ । श्रीमान सुशिला कार्की श्रीमती दुर्गा सुवेदीका रुपमा स्खलित भएपछि यही देखियो ।

प्रतिष्ठित श्रीमान सुशिला कार्की तपाई यति चाँडै श्रीमती दुर्गा सुवेदीका रुपमा कसरी स्खलित हुनुभयो ? शनिवार तपाइले गर्नुभएको लल्कारले तपाइको शिक्षामाथि पनि प्रश्न उठाएन र ?

बरिष्ठ न्यूरो सर्जन डा उपेन्द्र देवकोटाले पटक पटक भन्नुभएको छ, अस्पतालमा हडताल गर्ने र पदबाट बिदा भएपछि सडकमा आउने सवै चिकित्सकीय मर्यादाबाहिर गएका राजनीतिज्ञ हुन । चिकित्सक हुनका लागि आन्दोलन बर्जित छ ।’ डा देवकोटाको यो मान्यता चिकित्सा पेशाको पहिलो सर्त हो । तर यतिबेला अस्पताल बन्दको पक्षमा पूर्वप्रधानन्यायाधीश आफ्नो सवै मर्यादा भुलेर सडकमा पुगी बोल्नै नमिल्ने अत्यन्त नीच शब्दबाण प्रहार गर्न थाल्नुभएको छ । श्रीमानलाई जानकारी हुनुपर्ने हो, आफै प्रधानन्यायाधीश हुँदा अस्पतालमा हडताल गर्न पाइदैन भनेर आदेश दिएको होइन सर्वाेच्च अदालतले ।

श्रीमान कार्कीले कसरी भुल्नुभयो यो तथ्य ? पदमा रहँदा आदेश दिने, पद गुमेपछि राजनीतिको खोल ओढेर आफ्नै रक्षाका लागि, न्यायका लागि, जुध्ने नेतामाथि नै यति निच आरोप लगाउने ? हिजो मलाई बचाइदिनोस भन्दै गुहार माग्ने, अहिल आफ्नै इतिहास भुलेर मर्यादाबिहीन ढंगले सडकमा ताण्डव देखाउने काम तपाइबाट अपेक्षा गरिएको काम होइन श्रीमान । स्वेतग्रिभी अपराध अन्तराष्ट्रिय आतंककारी भन्दा पनि ठुलो अमानवीय र अक्ष्यम्य अपराध हो, श्रीमान त्यही अपराधमा किन संलग्न हुनुहुन्छ ।

प्रधानमन्त्रीलाई माफियाको संरक्षक भन्ने तपाइ को हो ? तपाईको यो अभिब्यक्तिले न्यायलयको गरिमा कहाँ पु¥यायो ? एक पटक ठण्डा दिमागले सोच्नोस त । चारवटा ठेकेदारलाई मोटो बनाएर समाजवाद आउँछ भन्ने तपाइको आरोपको कृपया तथ्य दिनोस त । आज तपाई बोल्नै पर्ने भयो भन्दै श्रीमती दुर्गा सुवेदी बनिरहनु भएको छ । श्रीमान सुशिला कार्की नै रहिरहन तपाई किन सक्नु हुन्न ? डा केसी र गंगामायाको आडमा प्रधानमन्त्रीमाथि निकृष्ट आरोप लगाउने तपाईले सर्वाेच्चमा रहँदा उनका पति र उनीमाथि न्याय दिन किन सक्नुभएन ? यस्को जवाफ चाँही दिनुपर्दैन ?

तपाईको भनाई सुन्दा कांग्रेसको हनुमानचालिसा देखिन्छ । ‘केसीको मागमा नबोली नहुने भएर बोल्न बाध्य हुनुपरेको हो । राति सुत्नेबेलामा पनि चिन्ता लाग्छ । केसीजीलाई के भयो होला, बिहान उठ्ने बेलामा पनि सिरानमा राखेको मोबाइल झिक्यो । केसीजी के हुनुभयो भनेर । अनि घडीको सुईजस्तै मन त फिटीफिटी गर्छ । त्यसैले मान्छेले भन्लान, सरकारको मानो खाएर जे पायो त्यही भन्छ । योभन्दा पहिले भनी पनि सक्या छन् कत्तिले । तर, के भने विवश हुन बाध्य भइयो ।’ अनि सर्वाेच्च अदालतबाट भकाभक निजी मेडिकल कलेजको सम्बन्ध बढाउने आदेश केपी ओलीले दिनुभएको हो श्रीमान ? तपाई सर्वाेच्चको नेतृत्व गर्दा किन रोक्नुभएन ? तपाईले त्यतिबेला भकाभक नीजि मेडिकल कलेजको पक्षमा किन फैस्ला दिनुभयो ?

श्रीमान एकेडेमिक क्वालिफिकेशन सर्टिफिकेट हो कि ब्रेन हो ? ज्ञान हो कि प्रमाणपत्र हो ? तपाई जस्तो ब्यक्तिले बोलेको यो बिषयले तपाइको ज्ञान र शिक्षामाथि नै प्रश्न उठाउँदैन र ? शिक्षाको अन्तिम बिन्दु ज्ञान हो, ज्ञानको अन्तिम बिन्दु तपाइको ब्यवहार र बोली हो, तपाईले कस्तो ब्यवहार र बोली राख्नुहुन्छ, त्यसैले तपाइको शिक्षाको मापण हुन्छ भन्ने बिश्वब्यापी मान्यताले त श्रीमान तपाईलाई नै प्रश्न उठाएन र ? शनिवारको तपाइको दम्भी लल्कार त्यही सात आठ कक्षा पढेका भन्दा पनि तल्लो स्तर देखाएन र ? एक पटक सोच्नोस त श्रीमान ।

एउटा मानिस मृत्युशैय्यामा छ । मृत्युशैय्यामा भएको मान्छेलाई सरकारले अक्सिजन दिएर जोगाउनुपर्छ । बचाउनुपर्छ । त्यो सरकारको धर्म हो भन्ने तपाइको तर्क सही हो । तर तपाईले अधिकारी दम्पत्तिको जीवन रक्षाका लागि पदमा रहँदा के गर्नुभयो ? जवाफ दिनोस त श्रीमान । तपाइको यो भनाईले सर्वाेच्च अदालतको नेतृत्वमा कस्ता मानिस पनि पुग्दारहेछन भन्ने प्रश्न उठाउँदैन श्रीमान ? एकपटक आफूले बोलेको कुरा पढनोस त– ७ पढेको, ८ पढेको, १० पढेको व्यक्तिलाई के भनौं र खै ? तर, केही भन्दिनँ । उहाँहरु पनि आफ्नै नेपाली हुन, गाली गर्दिन ।’

यति गाली गरेपछि बाँकी केही शब्द छ श्रीमान ? आर्थिक अभावका कारण दुरदराजमा पढन नसकेका सवैमाथि तपाई किन यति निकृष्ट ब्यवहार गर्नुहुन्छ ? श्रीमान एकेडेमिक क्वालिफिकेशन सर्टिफिकेट हो कि ब्रेन हो ? ज्ञान हो कि प्रमाणपत्र हो ? तपाई जस्तो ब्यक्तिले बोलेको यो बिषयले तपाइको ज्ञान र शिक्षामाथि नै प्रश्न उठाउँदैन र ? शिक्षाको अन्तिम बिन्दु ज्ञान हो, ज्ञानको अन्तिम बिन्दु तपाइको ब्यवहार र बोली हो, तपाईले कस्तो ब्यवहार र बोली राख्नुहुन्छ, त्यसैले तपाइको शिक्षाको मापण हुन्छ भन्ने बिश्वब्यापी मान्यताले त श्रीमान तपाईलाई नै प्रश्न उठाएन र ? शनिवारको तपाइको दम्भी लल्कार त्यही सात आठ कक्षा पढेका भन्दा पनि तल्लो स्तर देखाएन र ? एक पटक सोच्नोस त श्रीमान ।

एक पटक केपी ओलीसँग अंग्रेजीमा, नेपालीमा, ब्याकरणमा, ग्रामरमा बहश गर्न तयार हुनोस त सुशिला श्रीमान । को कति ज्ञानी, को कति पढालेखा रहेछ, दुधको दुध, पानीको पानी आउँछ नि होइन र ? अंग्रेजीमा केपी ओलीसँग बहश गर्न तपाई सक्नुहुन्छ श्रीमान ? आउनोस टेलिभिजनमा खुला बहश गरौं

तपाईले अमेरिका, फ्रान्सको पनि उदाहरण दिनुभयो । श्रीमान तपाइ जस्तै अमेरिका र फ्रान्सका प्रधानन्यायाधीशले बिदेसीको रकम न्यायालयमा भित्र्याउँछन ? तपाईले त भित्र्याउनु भयो, जुन अहिलेका कामू प्रधानन्यायाधीशले रोक्नुभएको छ । बिदेसी उदाहरण राख्न आफ्नो इतिहास हेर्नुपर्दैन र श्रीमान ? कि तपाईले जे गरे नि ठीक, अरुले जे गरे नि बेठिक भन्ने अधिनायकवादी सोच तपाइमै पलायो ? माफ गर्नाेस श्रीमान, तपाइको लल्कारले म जस्ता धेरै तपाइका फ्यान घटेका छौं । यो देशमा केपी ओलीसँग ज्ञानको बिषयमा, भाषागत क्षमताको बिषयमा कसैले प्रतिस्पर्धा गर्न सक्दैन भन्ने तपाईले नै आज सात-आठ कक्षा पढेकोलाई के भन्ने र खै भन्दै सडकमा हुर्मत लिने काम कसरी गर्नुभयो सुशिला श्रीमान ?