विजय गच्छदारका लागि कांग्रेसले आज पनि संसद चल्न दिएन, माघ २८ सम्मका लागि बैठक स्थगित

२६ माघ, काठमाडाैँ । प्रमुख प्रतिपक्षी दल नेपाली कांग्रेसले आज पनि उपसभाति एवं संसदीय दलका उपनेता विजयकुमार गच्छदारका लागि संसदको बैठक अबरूद्ध पारेको छ । कांग्रेसले आइतबार बसेको प्रतिनिधिसभाको बैठकमा उभिएर बिरोध जनाएपछि सभामुख अग्नि सापकोटाले माघ २८ गतेसम्मका लागि बैठक स्थगित गरेको घोषणा गरे ।

अख्तियार दुरूपयोग अनुसन्धान आयोगले ललिता निवास जग्गा प्रकरणमा कांग्रेस उपसभापति गच्छदारसहित १७५ जना विरूद्ध विशेष अदालतमा भ्रष्टाचार मुद्दा दायर गरेपछि कांग्रेसले लगातर तेस्रो पटक संसदको कारबाहीमा अबरोध पुर्याएको हो । उसले नेकपाका नेताहरू जोगाएर कांग्रेसका नेताहरूलाइ मात्र भ्रष्टाचारको मुद्दा चलाएको भन्दै असन्तुष्टि जनाएको छ ।