आमाको ‘मनको मौलोदेखि मन्दिरसम्म…’ (भिडियोसहित)

१७ माघ, काठमाडौं । आउँदै गरेको शिवरात्रि अर्थात् आगामी फागुन ९ बाट रिलिज हुन लागेको चलचित्र ‘आमा’को गीत युट्युबमार्फत सार्वजनिक गरिएको छ । । ‘मनको मौलोदेखि मन्दिरसम्म…’ बोलको गीत सार्वजनिक गरिएको हो ।

गीतमा केतन क्षेत्रीको स्वर, भूपेन्द्र खड्काको शब्द, सुवास भुसालको संगीत छ । दीपेन्द्र के खनालको छायांकन, लेखन तथा निर्देशनमा तयार भएको आमाको शीर्ष भूमिकामा मिथिला शर्मालाई देख्न सकिन्छ । श्रीमान् बिरामी भएपछि छटपटिएकी एक श्रीमती र उनको सन्तानप्रतिको मायालाई मिथिलाको भावबाट प्रकट गरिएको छ ।

चलचित्रको ट्रेलरले दर्शकको मन छोइसकेको छ । यसबाट पनि आमाको निर्माणपक्ष उत्साही देखिएको छ ।

चलचित्रमा मिथिलासँगै सुरक्षा पन्त, सरिता गिरी, देशभक्त खनाल, मनीष निरौला, लक्ष्मी भुसाल, टीका पहारी, अश्मिता खनाल, सुदीप खतिवडालगायत कलाकारको अभिनय छ ।