पार्टीमा निषेधको निषेध लागू हुनै सक्दैनः गोकुल बाँस्कोटा

२२ असार, काठमाडौँ । नेकपा एमालेका पोलिटब्यूरो सदस्य गोकुल बाँस्कोटाले पार्टीमा निषेधको निषेध लागू हुनै नसक्ने बताउनुभएको छ । आइतबार सामाजिक सञ्जाल फेसबुक मार्फत छोटो टिप्पणी सार्वजनिक गर्दै पार्टीका सात वटा महाधिवेशन मध्ये एउटा नजिकबाट हेरेको र सुनेको एवं ६ वटामा संलग्न भएको जानकारी दिँदै ती महाधिवेशन के कस्ता भए भन्ने कुरा जगजाहेर रहेको बताउँदै भोलिका लागि केही बाँकी राखेर मात्र प्रतिक्रिया दिन अनुरोध गर्नुभएको छ ।

उहाँले भन्नुभएको छ, ‘०३९-४५,०४७-४९,०५२-०५४,०५८-५९,०६५,०७१ र ०७७-७८ मध्ये एउटा नजिकबाट हेरियो,सुनियो।अरुमा संलग्न भईयो-भोगियो।को कस्ता थिए,कता थिए र छन?त्यो पनि थाहै छ।मेरो भनाई यत्ति छ-केही बाँकी राखेर बोल,ताकि मतान्तर बीच मुस्कुराउदै सगै यात्रा गर्न सकियोस।पार्टीमा निषेधको निषेध लागु हुनै सक्दैन।’

उहाँले मतान्तरका बीचमा पनि मुस्कुराउँदै यात्रा गर्न सक्नेगरी लाग्नुपर्ने भन्दै पार्टीमा निषेधको निषेध लागु हुनै नसक्ने दाबी गर्नुभएको छ । पछिल्लो समय एमालेमा अध्यक्ष केपी शर्मा ओली र पूर्व उपाध्यक्ष विद्यादेवी भण्डारीको नाममा नेता कार्यकर्ता विभाजन हुन थालेपछि अध्यक्ष ओली निकटका नेताहरू त्रसिल भएका छन । उनीहरूले बोलीमा समेत लगाम लगाउन सक्ने परिस्थिति छैन ।