आजै मौद्रिक नीतिको समीक्षा सार्वजनिक गर्ने राष्ट्र बैंकको तयारी
२२ मंसिर, काठमाडाैं। अर्थमन्त्री डा. प्रकाशशरण महतले राष्ट्र बैंक बोर्डलाई मौद्रिक नीति खुकुलो बनाएर अर्थतन्त्र थप चलायमान बनाउन सुझाव दिएका छन् ।
बिहीबार गर्भनरसहितको राष्ट्र बैंक बोर्डलाई अर्थमन्त्रालयमा बोलाएर मन्त्री डा. महतले सुझाव दिएका हुन् । घरजग्गा, शेयरलगायत अन्य कारोबारमा सहज हुने मौद्रिक नीति ल्याउन मन्त्री डा. महतले सुझाव दिएकाे अर्थमन्त्रालय स्रोतले जनाएको छ । अर्थमन्त्रीको चासोसँगै नेपाल राष्ट्र बैंक सञ्चालक समितिको बैठक बसेको छ। राष्ट्र बैंकले आजै मौद्रिक नीतिको समीक्षा सार्वजनिक गर्ने तयारी गरेको छ।
प्रकाशित मिति : December 8, 2023 at 10:52 am
