कांग्रेस महासमिति बैठक मंसिर २८ देखि पुस ३ सम्म

२० कात्तिक, काठमाडाैँ । नेपाली कांग्रेसको महासमिति बैठक मंसिरमा सुरू भएर पुसमा सकिनेगरी नयाँ मिति सार्वजनिक भएको छ । कांग्रेसको मंगलबार केन्द्रीय कार्यालयमा बसेको केन्द्रीय कार्यसमितिको बैठकले महासमिति बैठक सार्ने निर्णय गरेको बैठकपछि प्रवक्ता विश्वप्रकाश शर्माले जानकारी दिए ।

नयाँ मिति अनुसार अब महासमिति बैठक आगामी मंसिर २८ गतेदेखि पुस ३ गतेसम्म हुनेछ । यसअघि कांग्रेस महासमितिको बैठक आगामी मंसिर ५ देखि ९ सम्मका लागि तोकिएको थियो । तिहार, छठलगायतका चाडपर्वहरू संघारमा अाएकोले महासमिति बैठकको मिति सारिएको कांग्रेस महामन्त्री शशांक कोइरालाले जानकारी दिए ।