नेकपाका अध्यक्ष प्रचण्ड आज भारत जाँदै, राजनीतिक भेटघाट मुख्य चासो
२१ भदाै, काठमाडाैँ । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्ड आज भारत जाँदैछन् । भारत सरकारको निमन्त्रणामा अध्यक्ष प्रचण्ड भारत जान लागेका हुन ।
दिउँसो साढे ३ बजे एयर इन्डियाको विमानमार्फत् प्रचण्ड त्यसतर्फ जान लागेको सचिवालयले जनाएको छ । उनको भ्रमण टोलीमा पत्नी सीता दाहालसँगै छोरी गंगा, स्वकीय सचिव जोखबहादुर महरा र प्रेस सहयोगी सूर्यकिरण शर्मा रहनेछन् ।
भ्रमण भारतसँगको सम्बन्ध सुधारमा केन्द्रीत हुने प्रचण्डले यसअघि नै बताइसकेका छन । उनले त्यहाँ गर्ने महत्वपूर्ण राजनीतिक भेटघाटले अर्थ राख्ने भएकाले नेपालमा चासोका साथ हेरिएको छ ।
प्रकाशित मिति : २१ भाद्र २०७५, बिहीबार ०८:३२
