एफक्युब मल्टिप्लेक्सले रोक्यो ‘कबड्डी ४’को प्रदर्शन, फिल्म नहेर्न भन्दै सामाजिक सञ्जालमा अपिल

१७ जेठ, काठमाडौँ । चबहिलको एफक्युब मल्टिप्लेक्सले ‘कबड्डी ४’को प्रदर्शन रोकेको छ । फिल्ममा अभिनय गरेकी मिरुना मगरको विरूद्धमा युवाहरू प्रदर्शनमा उत्रिएपछि एफक्युब मल्टिप्लेक्सले फिल्मको प्रदर्शनमा रोक लगाएको हो ।

केएल टावरबाहिर अहिले मिरुना मगरका कारण थुनामा गएका युवाको रिहाइको माग गर्दै सयौँले प्रदर्शन गरिरहेका छन । प्रदर्शनले अवस्था असामान्य भएपछि एफक्युब मल्टिप्लेक्सले मध्यान्ह १२ बजेको शो स्थगित गरेको हो ।

एक युवालाई दूर्व्यवहारको आभियोग लगाउँदै उनले कुटपिट गरेर प्रहरीको जिम्मा लगाएकी थिइन । यता सामाजिक सञ्जालमा फिल्ममा अभिनय गरेकी मिरुना मगरले चाहिने भन्दा बढी व्यवहार देखाएको भन्दै सयौँले फिल्म हेर्न हलमा नजान अपिल गरेका छन ।