एजेण्डा नभएको भन्दै कांग्रेस केन्द्रीय समिति बैठक बस्दै नबसी स्थगित
८ भदौ, काठमाडौं । एजेन्डा नै तय नभएको भन्दै नेपाली कांग्रेससको केन्द्रीय समिति बैठक बस्दै नबसी स्थगित भएको छ । शुक्रबार नै शीर्ष नेताहरुको बैठक ढिलासम्म चलेको थियो । तर, एजेण्डाबारे नेताहरु निश्कर्षमा पुग्न सकेनन् ।
जसका कारण आज बस्ने भनिएको बैठक अन्तिम समयमा आएर एजेन्डा नै तय नभएको भन्दै स्थगित गरिएको हो । शीर्ष नेताहरूको छलफल क्रियाशील सदस्यता र विभाग गठन लगायतका विषयमै अल्झिएपछि महासमितिको मिति तय गर्ने विषय अोझेलमा परेको भन्दै एजेण्डामा सहमति हुन नसकेको बुझिएको छ । बैठक भोलि ११ बजे बस्ने प्रवक्ता विश्वप्रकाश शर्माले जानकारी दिए ।
प्रकाशित मिति : ८ भाद्र २०७५, शुक्रबार १६:३८
