सर्वोच्च अदालतको प्रधानन्यायाधीशमा ओमप्रकाश मिश्र सिफारिस

७ भदाै, काठमाडाैँ । संवैधानिक परिषदको बैठकले सर्वोच्च अदालतको प्रधानन्यायाधीशमा ओमप्रकाश मिश्रको नाम सिफारिस गरेको छ । बिहीबार बसेको बैठकले सर्वोच्चका हालका कायम मुकायम प्रधानन्यायाधीश मिश्रको नाम सर्वसम्मत रुपमा सिफारिस गरेको हो ।

यसअघि परिषदले प्रधानन्यायाधीशमा तीन जना न्यायाधीशको नाम सिफारिस गर्दा मिश्र दोस्रो नम्बरमा थिए । तर पहिलो नम्बरका  दीपकराज जोशी संसदीय सुनुवाइ प्रक्रियाबाट अस्वीकृत भएपछि परिषद् बैठकले दोस्रो नम्बरका मिश्रको नाम सिफारिस गरेको हो ।