तीन उपप्रधानमन्त्री र १० मन्त्रीले पद तथा गोपनियताको सपथ लिए

२१ जेठ, काठमाडौँ । तीन उपप्रधानमन्त्री र १० मन्त्रीले पद तथा गोपनियताको सपथ लिनुभएको छ । राष्ट्रपति विद्यादेवी भण्डारीले उपप्रधानमन्त्री र मन्त्रीलाइ राष्ट्रपति भवन शितल निवासमा पद तथा गोपनियताको सपथ गराउनुभयो ।

प्रधानमन्त्री केपी शर्मा ओलीले १७ सदस्यीय मन्त्रीपरिषद् बनाउँदै पुनर्गठन गर्नुभएको छ । नेकपा (एमाले)को भागमा रहने सात मन्त्रालयको जिम्मेवारी आफैँले राख्दै प्रधानमन्त्री ओलीले १६ जनाको नयाँ टिम बनाउनुभएको छ । वर्तमान मन्त्रिपरिषद्का चार जना सदस्यलाई मात्र निरन्तरता दिँदै उहाँले जसपाका १० जना र एमालेबाट नयाँ दुई जनालाई मन्त्रीमा नियुक्त गर्नुभएको छ ।

प्रधानमन्त्री ओलीले मन्त्रिपरिषद्को तीन जना उपप्रधानमन्त्री राख्नुभएको छ । एमालेबाट दुई जना र जसपाबाट एक जना उपप्रधानमन्त्री हुनुभएको छ । प्रधानमन्त्री ओलीले ७ वटा मन्त्रालय भने आफैँसँग राख्नुभएको छ । प्रधानमन्त्रीले रक्षा, गृह, वन, सञ्चार, सामान्य प्रशासन, कृषि र उद्योग वाणिज्य तथा आपूर्ति मन्त्रालयमा नयाँ मन्त्री केही दिनमा मात्र सिफारिस गर्नुहुने भएको छ ।

मन्त्रिपरिषद् विष्णु पौडेल उपप्रधानसहित अर्थ, रघुवीर महासेठ उपप्रधानसहित परराष्ट्र र राजेन्द्र महतो उपप्रधानसहित शहरी विकास मन्त्रीमा नियुक्त हुनुभएको छ । त्यस्तै भौतिक पूर्वाधारमा बसन्त नेम्वाङ, शिक्षामा कृष्णगोपाल श्रेष्ठ र कानूनमा लीलानाथ श्रेष्ठ मन्त्रीका रुपमा हुनुहुन्छ । त्यस्तै स्वास्थ्य मन्त्रीका रुपमा शेरबहादुर तामाङले शपथ लिनुहुनेछ ।

यस्तै जसपाबाट शरदसिंह भण्डारी ऊर्जा, अनिल झा खानेपानी तथा सरसफाई, लक्ष्मणलाल कर्ण भूमि व्यवस्था, सहकारी तथा गरिबी निवारण, श्रम, रोजगार, तथा सामाजिक सुरक्षा विमल श्रीवास्तव, पर्यटन उमाशंकर अरगरिया, महिला, बालबालिका तथा ज्येष्ठ नागरिक चन्दा चौधरी, युवा तथा खेलकूद एकवाल मिया र चन्द्रकान्त चौधरी उर्जाराज्य मन्त्रीको रूपमा सपथ लिनुहुनेछ ।