घनश्याम र सुरेन्द्रसहित थप १२ नेतामाथि कारबाही गर्ने एमालेको निर्णय (सूचीसहित)

१० जेठ, काठमाडाैँ । नेकपा (एमाले)ले थप १२ नेता माथि स्पष्टिकरण सोधेको छ । पार्टीको गतिबिधिमा सहभागी नहुने तर नेपाली कांग्रेसका सभापति शेरबहादुर देउवालाइ प्रधानमन्त्री बनाउन भन्दै हस्ताक्षर गरेर सर्वोच्च अदालतसम्म पुगेपछि एमालेले थप १२ नेतामाथि कारबाही अघि बढाएको हो ।

सोमबार प्रधानमन्त्री निवास बालुवाटारामा बसेको स्थायी कमिटी बैठकले यस्तो निर्णय गरेको नेकपा एमालेका प्रचार विभाग उपप्रमुख सूर्य थापाले जानकारी दिनुभयो । स्थायी कमिटीले उनीहरूलाई २४ घण्टे स्पष्टीकरण सोध्ने र जवाफ चित्त बुझ्दो नभए बर्खास्त (निस्कासन) गर्ने निर्णय गरेको छ ।

स्पष्टिकरण सोधिएकाहरू

१. घनश्याम भुसाल

२. सुरेन्द्र पाण्डे

३. नारायण खतिवडा

४. साेमप्रसाद पाण्डे

५ .कृष्णलाल महर्जन

६ .झपट रावल

७. भवानीप्रसाद खापुङ

८. यज्ञ सुनुवार

९. विराेध खतिवडा

१०.मेटमणि चौधरी

११ .दीपकप्रकाश भट्ट

१२. जीवनराम श्रेष्ठ