अमेरिकन आइडलमा सहभागी दिवेश पोखरेल भन्छनः सबै नेपालीले भोट दिए उत्कृष्ट पाँचमा पुग्छु
२ जेठ, काठमाडाैँ । अमेरिकन आइडलमा सहभागी दिवेश पोखरेलले सबैको साथ पाए उत्कृष्ट पाँचमा पुग्न सक्ने बताएका छन । दिवस उत्कृष्ट सातमा पुगिसकेका छन । यही आइतबार उतृकष्ट पाँचको घोषणा हुनेभन्दै पोखरेलले भोटिङको अपिल गरेका छन ।
अथर गनका नामले परिचित पोखरेलले यसपटक भोटिङका आधारमा आफू उत्कृष्ट सातमा पुगेको दिवेशले बताएका छन् । उनले विगतमा जस्तै देश र विदेशमा बस्ने नेपालीले आफूलाई अनलाइन भोटिङ गर्ने हो भने आफू उत्कृष्ट पाँचमा पुग्ने बताए ।
काठमाडौंको रविभवनका दिवेश आफ्ना परिवारसहित सन् २०१४ देखि अमेरिकामा बस्दै आएका छन् । उनी परिवारसँग अमेरिका गएका हुन् । उनी दुई वर्षयता सक्रिय रूपमा अमेरिकामा अथर गनको परिचय बनाएर गायनमा लागेका हुन् ।
प्रकाशित मिति : २ जेष्ठ २०७७, शुक्रबार १०:२४
