कोरोना भाइरसको संक्रामण फैलिएका देशबाट उडान आजतजावत रोक्ने सरकारको तयारी

१७ फागुन, काठमाडाैँ । संस्कृति पर्यटन तथा नागरिक उड्ययनमन्त्री योगेश भट्टराईले नेपाल कोरानामुक्त घोषणा गरेको दुइ साता पनि पूरा नहुँदै सरकारले कोरोना भाइरसको संक्रामण फैलिएका देशबाट उडान आजतजावत रोक्ने तयारी थालेको छ । प्रधानमन्त्री केपी शर्मा अोलीले केही मन्त्रीलाइ शनिबार प्रधानमन्त्री निवास बालुवाटारमा बोलाएर कोरानाको बारेमा अावश्यक निर्देशन दिएका हुन ।

पर्यटनमन्त्री भट्टराइको दाबीका बाबजुद विश्व स्वास्थ्य संगठन (डब्लूएचओ)ले नेपाललाई कोरोनाको उच्च जोखिममा राखेको तथा नेपालमा बाक्लो आवातजावत रहेका चीनबाहेकका अन्य देशहरुमा समेत भाइरस देखिएपछि प्रधानमन्त्रीले मन्त्रीहरूलाइ निर्देशन दिएका हुन ।

प्रधानन्त्रीले कोरोना रोकथामको पूर्व तयारी गर्न उपप्रधान तथा रक्षामन्त्री ईश्वर पोखरेलको नेतृत्वमा उच्चस्तरीय समन्वय समिति गठन गरेका छन । जुन समितिमा गृह, पर्यटन, स्वास्थ्य, अर्थ, शिक्षा लगायतका मन्त्री सदस्य रहेका छन । समितिले नेपालसँग हवाईसहित यातायात सञ्जालले जोडिएका देशहरुको गतिविधिलाई नजिकबाट हेर्नेछ र रोकथामका लागि आवश्यक निर्णय गर्नेछ ।