पार्टी एकीकरणको विषयमा ओली र प्रचण्डबीच भेटवार्ता
२० वैशाख, काठमाडौँ । काठमाडौँको प्रधानमन्त्री निवास बालुवाटारमा पार्टी एकीकरणका विषयमा छलफल गर्न नेकपा (एमाले) का अध्यक्ष एवं प्रधानमन्त्री केपी शर्मा ओली र नेकपा (माओवादी केन्द्र) का अध्यक्ष पुष्पकमल दाहाल प्रचण्डबीच आज भेटवार्ता भएको छ ।
चाँडै पार्टी एकता गर्ने तयारीमा रहेका दुई दलका अध्यक्षहरु बीचको छलफलमा ठोस के सहमति भयो भन्ने जानकारी नपाइए पनि उनिहरु पुनः छलफलमा बसी सबै विषयको टुङ्गो लगाउने तयारीमा रहेकोे प्रधानमन्त्रीका प्रेस सल्लाहकार डा कुन्दन अर्यालले जानकारी दिए । दुवै दलले वैचारिक र सांगठनिक प्रतिवेदन तयार गरी मिल्न बाँकी विषयको टुङ्गो लगाउन अध्यक्षहलाई जिम्मा दिएको थियो ।
प्रकाशित मिति : २० बैशाख २०७५, बिहीबार १२:३६
