नेपाली मुलका डा. जगन्नाथ शर्मा दुई तिहाई मतसहित बेलायतमा मेयरमा निर्वाचित

८ वैशाख, काठमाडाैँ । नेपाली मुलका डा. जगन्नाथ शर्मा बेलायतको कोलबर्न टाउन काउन्सिलको मेयरमा निर्वाचित भएका छन । पर्वतको बिहादीमा जन्मिएका एक गैरआवासीय नेपाली वेलायतमा मेयर पदमा निर्वाचित भएका हुन । बेलायतको राजनीतिमा लामो समयदेखि सक्रिय डा. शर्मा नर्थ योर्कशायरको कोलबर्न टाउन काउन्सिलको मेयरमा निर्वाचित भएका हुन् । शर्मा दुई तिहाई मत प्राप्त गर्दै  सोमवार भएको स्थानीय काउन्सिलरहरु बीच निर्वाचनमा निर्वाचित हुन सफल भएका हुन ।

शर्मा यसअघि सो क्षेत्रमा तीन पटकसम्म काउन्सिलर र उपमेयरमा समेत निर्वाचित भएका थिए। मेयर पदमा निर्वाचित भए पछि शर्माले  आफ्नो क्षेत्रमा नेपाली समुदाय र बेलायतीबीच रहेर पुलको रुपमा काम गर्ने बताएका छन । शर्माले आफ्नो क्षेत्रमा हाउजीङ, बेरोजगार लगायतको समस्या रहेको बताउँदै आगामी दिनमा समुदायतको आकांक्षा पुरा गर्न तल्लिन रहने बताए।

शर्माले नेपाल र बेलायतबीचको सम्वन्धलाई जनस्तरमा लैजान समेत पहल गर्ने बताए।  उक्त पदमा पुग्न सफल भए। शर्माले स्थानीय आर्मी मेडिकल अस्पतालमा स्पोर्टस् डाक्टरको रुपमा हेड अफ डिपार्टमेन्टको जिम्मेवारी समेत समाल्दै आएका छन्।