भ्रष्टाचारीलाई कारवाही गरौँ, अख्तियारको छवी बचाउन सबै मिलेर अगाडि बढौँ

–पोष्ट केसी 
अख्तियार दुरुपयोग अनुसन्धान आयोग नेपालका धेरै संवैधानिक आयोग मध्ये एक सशक्त, शक्तिशाली, जनताको ढुकढुकी बोकेको आयोग हो । यसको प्रमुख उद्देश्य भनेको गरिव निमुखा नेपाली नागरिकले तिरेको रगत र पसिनारुपी करलाई सही रुपमा सदुपयोग होस र दुरुपयोग नहोस र विकास निर्माणमा भ्रष्टाचारीका गिद्दे अाँखा नपरुन र परेपनि अख्तियारले आँखा फुटाल्छ र नियन्त्रण गरी भ्रष्टाचारमुक्त र समृद्ध समाज स्थापना गर्छ भनेर गठन भएको संस्था हो ।

विगतमा यस संस्थाकाविरुद्ध धेरै भ्रष्टाचारीहरु भएभरको शक्ति लगाएर तजोवध गर्न खोजे तर जनताको बलियो साथले गर्दा उनीहरुको प्रयास सफल हुन सकेन । बेला बेलामा यस संस्थामा काम गर्ने कर्मचारी र आयुक्तहरुको कार्यक्षमतामा प्रश्न चिन्ह पनि नउठेको होईन तर यसले आपनो ईज्जत र साखलाई जोगाएर अहिले सम्मको अवधिमा ल्याएको थियो ।

दुखत कुरा आज आएर अख्तियार दुरुपयोग अनुसन्धान आयोगका आयुक्त राजनारायण पाठकले अख्तियारको छविलाई कहिले पनि नउठने गरी ढलाए भने अख्तियारमा काम गर्ने कर्मचारी र आयुक्तहरुको जोस र जागर मारिदिएका छन । यो विग्रेको छविलाई पहिला जस्तै बनाउनेको लागि धेरै समय लाग्नेछ भने धेरै मिहिनेत पनि गर्नुपर्नेछ ।

मलाई एक दिन मेरा एक जना विद्धान अग्रजले कालो कपडा लगाउने भन्दा सेता कपडा लगाउने फोहोरवाट अलि बढी सजग र सचेत हुनुपर्छ भन्नुहुन्थ्यो । तर आयुक्त राजनाराण पाठकले आपनो,परिवार, गाँउ र जिल्ला ईज्जत उनले माटामा मिलाईदिए भने आख्तियार अनुसन्धान आयोगलाई पंगु, गनाउने र जनताको आशा र विश्वासमा तुसरापात गरिदिए ।

भक्तपुर स्थित नेपाल ईन्जिनियरिङ कलेजको विवाद मिलाईदिने भन्दै ७८ लाख घुष लिएको प्रमाणित भयो । उनले कारबाहीबाट बच्ने गरी राजिनामा दिएको विषय अहिले सबैभन्दाबढी चर्चामा छ । यो काण्डले एकातिर भ्रष्टाचारीहरु बहुत खुशी भएका छन अर्कोतिर नागरिकमा निराशा छाएको छ । यस्ता भ्रष्ट्रचरित्र भएका व्यक्तिलाई सरकारले यथासिघ्र कडा भन्दा कडा कारवाही गर्नको लागि अनुरोध पनि छ । राजीनामा दिएर मात्र पुग्दैन, नियम कानुनले के भन्छ जनताले के भन्छन सोही अनुसार हदैसम्मको कारवाही हुन जरुरी छ ।

अहिले सरकारले आपनो क्षमता देखाउने बेला आएको छ । दुई तिहाईको सरकारले खुट्टा कमाउने हुदैन । ओली सरकारले आफ्नो नाम कारवाही गरेर कोषेढुंगा बन्ने अवसर प्राप्त भएको छ । आयुक्तहरु छनोट गर्दा दलीयस्वार्थ भन्दा माथी उठेर कर्मठ, ईमान्दार, दक्षता, क्षमता, जोस जागर र आँट भएको नेपाली नागरिक सिफारिस गर्नुपर्छ । अख्तियार दुरुपयोग अनुसन्धान आयोगलाई बचाई राख्नु हामी सवै नागरिकको कर्तव्य हो ।