बेइजिङमा विशाल सैन्य परेड, प्रधानमन्त्री ओलीसहित २६ देशका प्रमुखहरूले भाग लिए (तस्वीरहरू)

१८ भदाै, काठमाडाैँ । जापानी अतिक्रमणविरूद्धको युद्ध तथा विश्व फासिवाद विरोधी युद्धमाथिको विजयको ८०औँ वार्षिकोत्सवमा चीनकाे राजधानी बेइजिङमा विशाल सैन्य परेड आयोजना गरिएको छ ।

बेइजिङस्थित थ्येनआनमन चोकमा चिनियाँ जनताको जापानी अतिक्रमणविरूद्धको युद्ध तथा विश्व फासिवाद विरोधी युद्धमाथिको विजयको ८०औँ वार्षिकोत्सव समारोह आयोजना गरिएको हो । समारोहलाई चिनियाँ राष्ट्रपति सी चिनफिङले सम्बोधन गर्नुभएकाे थियाे ।

समारोहमा नेपालका प्रधानमन्त्री केपी शर्मा ओली, रुसी राष्ट्रपति भ्लादिमिर पुटिनदेखि उत्तर कोरियाली शासक किम जोङ उन लगायत विभिन्न २६ विदेशी राष्ट्र तथा सरकार प्रमुखहरूले स्मृति समारोहमा भाग लिएका छन्।