एशियन लाइफको हकप्रद सेयर बाँडफाँड, साढे ३ लाख कित्ता सेयर लिलामीमा आउने

९ भदौ, काठमाडौं । एशियन लाइफ इन्स्योरेन्स कम्पनी लिमिटेडको हकप्रद सेयर बाँडफाँड भएको छ। कम्पनीले निष्कासन गरेको ४२ प्रतिशत हकप्रद सेयर बाँडफाँड गरिएको हो ।

कम्पनीले गत जेठ १५ गतेसम्म नेप्सेमा कारोबार भई कायम भएका सयेरधनीका लागि असार २५ गतेदेखि साउन २० गतेसम्म निष्कासन गरेको प्रति सेयर रु.१०० अंकित दरका कुल १ करोड ४२ लाख ७९ हजार ३१२.४८ कित्ता हकप्रद सेयर बाँडफाँड गरेको हो ।

कुल निष्कासनमध्ये रितपूर्वक आवेदन दिएका २७ हजार ६२२ जना आवेदकलाई १ करोड ३९ लाख २० हजार ८०० कित्ता हकप्रद सेयर बाँडफाँड गरिएको हो । कुल निष्कासन गरिएको हकप्रदमध्ये ३ लाख ५८ हजार ५१२.४८ कित्ता सेयर भने अवितरित रहेको छ । यो सेयर कम्पनीले लिलामी प्रक्रियामार्फत बिक्री गर्नेछ ।

साथै आफ्नो हकभन्दा बढी सेयर माग गरेर आवेदन दिएका सेयरधनीको हकमा बाँडफाँडमा नपरेको सेयर बापतको रकम भदौ ११ गतेदेखि सम्बन्धित बैंक खातामा फिर्ता पठाइने पनि कम्पनीले जानकारी दिएको छ।