जनकपुरलाई हराउँदै सुदूरपश्चिम एनपीएलको फाइनलमा
३ पुस, काठमाडौं । नेपाल प्रिमियर लिग (एनपीएल) मा विनोद भण्डारीको अर्धशतक मदतमा जनकपुर बोल्ट्सलाई ८ विकेटले पराजित गर्दै सुदूरपश्चिम रोयल्स फाइनलमा प्रवेश गरेको छ ।
ओपनर विनोदले अविजित रहँदै ५८ रन बनाएपछि जनकपुरले दिएको १४० रनको लक्ष्य सुदूरपश्चिमले १८.३ ओभरमा २ विकेट गुमाएर १४१ रन बनाउँदै पूरा गरेको हो ।
विनोदले ५५ बल खेल्दा ३ चौका र ३ छक्का प्रहार गरे ।
कप्तान दीपेन्द्र सिंह ऐरीले अविजित २० रन बनाए । साथै १६ बल खेल्दै १ चौका र १ छक्का प्रहार गरे ।
ऐरीले चौका प्रहार गर्दै खेल जिताएका थिए ।
जनकपुरले भने अब एलिमिनेटरको विजेता कर्णाली याक्ससँग बिहीबार क्वालिफायर टु खेल्नेछ ।
प्रकाशित मिति : ३ पुष २०८१, बुधबार १६:३२
