दीपेन्द्रको आक्रामक अर्धशतकमा विराटनगरलाई दियो सुदूरपश्चिमले १८३ रनको लक्ष्य
१८ मंसिर, काठमाडौं । कप्तान दीपेन्द्र सिंह ऐरीले आक्रमक ब्याटिङ गर्दै अर्धशतक बनाएपछि सुदूरपश्चिम रोयल्सले नेपाल प्रिमियर लिग एनपीएलमा विराटनगर किंग्सलाई १८३ रनको लक्ष्य दिएको छ ।
कप्तान दीपेन्द्रले १९.५ ओभरमा प्रतिश जिसीलाई छक्का प्रहार गर्दै अर्धशतक पूरा गरेका थिए । कप्तान दीपेन्द्रले अन्तिम बलमा पनि छक्का हानेपछि २४ बलमा अविजित ५७ रन बनाए । साथै ३ चौका र ५ छक्का प्रहार समेत गरे । उनले बाउन्ड्रीबाट ४२ रन जोडेका थिए ।
टस हारेर पहिले ब्याटिङको निम्तो पाएको सुदूरपश्चिमले ७ विकेटको क्षतिमा १८२ रन बनाएको हो ।
कप्तान ऐरीले ५७, ब्रान्डनले ३६, बिनोद भण्डारीले २३, इशान पाण्डेले २१, सैफ जैबले १४, स्कटले १० रन बनाए ।
प्रकाशित मिति : १८ मंसिर २०८१, मंगलवार ११:१७
