मिलन्थाको उत्कृष्ट ब्याटिङमा जनकपुरको सहज जित
१५ मङ्सिर, काठमाडौँ । जनकपुर बोल्ट्सका लाहिरु मिलन्थाले विराटनगर किङ्ग्सविरुद्व अर्धशतक पूरा गरेका गरेका छन् । आज त्रिभुवन विश्वविद्यालय क्रिकेट मैदान कीर्तिपुरमा जारी खेलमा मिलन्थाले विराटनगर किङ्ग्सविरुद्व अर्धशतक पूरा गरेका हुन् ।
अमेरिकामा बसेर क्रिकेट खेल्ने श्रीलङ्काका मिलन्थाले ३९ बलमा दुई छक्का र चार चौका प्रहार गर्दै अर्धशतक पूरा गरेका हुन् । पहिलो संस्करणको नेपाल प्रिमियर लिग (एनपिएल)मा अर्धशतक बनाउने उनी दोस्रो खेलाडी बनेका छन् ।
यसअघि न्यूजिल्याण्डका पूर्वओपनर ब्याटर मार्टिन गप्टिलले जनकपुर बोल्ट्सविरुद्ध विराटनगर किङ्ग्सको तर्फबाट अर्धशतक प्रहार गरेका थिए । उनले ३६ बलमा सात चौका र एक छक्कासहित ५० रन बनाउन सफल भएका हुन् । गप्टिलले विराटनगरको लागि अर्धशतक प्रहार गर्दै सर्वाधिक ५५ रन बनाएर आउट भएका थिए ।
प्रकाशित मिति : १५ मंसिर २०८१, शनिबार १६:१५
