लक्कीविरूद्ध लाग्ने वाङ्छुले शेरबहादुर देउवाको नाम बेचेर लाखाैँ ठगेको खुलासा (प्रमाणसहित)

१ पुस, काठमाडाैँ । अष्ट्रेलियाका लागि नेपाली राजदूत लक्की शेर्पामाथि आरोप लगाउने वाङ्छु शेर्पाले नेपाली कांग्रेस सभापति एवं पूर्वप्रधानमन्त्री शेरबहादुर देउवाको नाम वेचेर लखाैँ ठगी गरेको खुलासा भएको छ ।

वाङ्छुले देउवाको नाम बेचेर गिरोह नै चलाएको प्रमाण फेला परेको छ । ठगी मुद्दामा फरार रहेका शेर्पाले सभापति देउवाको नजिकका दीपबहादुर देउवा अाफ्नो मित रहेको भन्दै सवारीसाधानको नक्कली लाइसेन्स बनाउने गिरोह चलाएको देखिएको छ ।

शेर्पाले ठगीको गिरोह सञ्चालन गर्दै आएको पनि प्रमाण फेला परेको छ । दर्जनौं सोझासाझाहरूलाई अष्ट्रेलिया लगिदिने भन्दै लाखौं रुपैयाँ ठगी गरी उनी फरार भएको देखिएको छ । उनीमाथि एक पीडितले ठगी मुद्दा दर्ता गरेपछि २०७५ ज्येष्ठ ३१ गते जिल्ला अदालत काठमाडौंले उनका पत्नी फुल्हमी शेर्पालाई १० लाख धरौटीमा छाडेको र बाङ्छु शेर्पालाई फरार भन्दै पक्राउ गर्न आदेश दिएको थियो।

जिल्ला अदालत काठमाडौंका न्यायाधीश बाबुकाजी बानियाँको एकल इजलासले शेर्पालाई पक्राउ गर्न आदेश दिएको ६ महिना बितिसक्दा पनि उनी पक्राउ परेका छैनन्। निम दावा शेर्पाले दायर गरेको मुद्दा फैसलाको अन्तिम तयारीमा रहेको छ । ठगीमा शेर्पासहित दुईजनाले किटानी जाहेरी दिएका थिए ।

वाङ्छु शेर्पा कि पत्नी फुल्हमी शेर्पाले तीन महिना भित्र अष्ट्रेलिया लगिदिने भन्दै २०७४ पौष १५ गते भोजपुरका निमदाबा शेर्पासँग २० लाख रुपैयाँ लिखित कागज गरी लिएका छन् । यसैगरी सिन्धुपाल्चोक तातोपानीका निमबुटी शेर्पा सित २ लाख ६० हजार २०७४ पौष १५गते लिखित कागज गरी लिएका थिए।