उपराष्ट्रपतिमा नन्दबहादुर पुन निर्वाचित
४ चैत, काठमाडौं । उपराष्ट्रपतिमा नन्दबहादुर पुन निर्विरोध निर्वाचित भएका छन् । पुनलाई निर्वाचित भएको निर्वाचन आयोगले घोषणा गरेको छ । उपराष्ट्रपतिको निर्वाचन आगामी ९ गते शुक्रबारका लागि तोकिए पनि पुनको मात्रै उम्मेदवारी परेपछि आयोगले आज निर्विरोध निर्वाचित भएको घोषणा गरेको हो ।
वाम गठबन्धनबीच राष्ट्रपति र उपराष्ट्रपतिमा पुरानैलाई दोहोर्याउने सहमति भएको थियो । राष्ट्रपति विद्यादेवी भण्डारीले यसअघि नै दोस्रो कार्यकालका लागि चुनावी प्रतिस्पर्धाबाट छानिएर जिम्मेवारी सम्हाली सकेका छन् ।
निर्वाचन आयोगका प्रवक्ता एवं सहसचिव नवराज ढकालले उपराष्ट्रपतिका लागि एकजनाको मात्रै उम्मेदवारी परेकाले पुनलाई आज निर्विरोध चयनको घोषणा गरिएको जानकारी दिए ।
प्रकाशित मिति : ४ चैत्र २०७४, आईतवार १८:५९
