नेपाल पुनर्बीमा कम्पनीको वार्षिकोत्सव स्थगित

१९ कार्तिक, काठमाडौँ । नेपाल पुनर्बीमा कम्पनीको वार्षिकोत्सव स्थगित भएको छ । नेपाल सरकारको स्वामित्वमा रहेको कम्पनीले यही कार्तिक २१ गते दशौँ वार्षिकोत्सव भव्य रूपमा मनाउने तयारी गरेको थियो । आइतबार कम्पनीका प्रवक्ता दामोदर भण्डारीले एक विज्ञप्ति जारी गर्दै दशौँ वार्षिकोत्व स्थगित भएको जानकारी दिएका हुन ।

जाजरकोट केन्द्रबिन्दु भएर गएको भूकम्पका कारण ठूलो मानवीय र आर्थिक क्षति भएकाले निर्धारित वार्षिकोत्सव स्थगित गरेको भण्डारीले बताएका छन । उनले विज्ञप्तिमा शुक्रबार भएको रक्तादनमा भने ६८ जनाले रक्तादन गरेको उल्लेख गरेका छन । वार्षिकोत्सवको मुल कार्यक्रम स्थगित भएको भए पनि प्रभातफेरि र स्मारिका विमोचन लगायतका कार्यक्रम हुने प्रवक्ता भण्डारीले जनाएका छन ।