टी-२० विश्वकप एसिया छनोटः सुपर ओभरमा नेपाललाई हराउँदै ओमानले जित्यो उपाधि

१९ कात्तिक, काठमाडौं । टी -२० विश्वकप एसिया छनोट फाइनलको उपाधि ओमानले सुपर ओभरमा जितेको छ । सुपरओभरमा ओमानले २२ रनको लक्ष्य दिएकामा नेपालले जम्मा १० रन मात्र बनाउन सक्यो ।

टस जितेर पहिले ब्याटिङ गरेको नेपालले ओमानसामु १८५ रनको लक्ष्य प्रस्तुत गरेको थियो । १८५ रनको लक्ष्य पच्छाएको ओमानले २० ओभरमा ९ विकेट गुमाएर १८४ रनमात्रै बनायो । त्यस​पछि खेल सुपर ओभरमा गएको थियो ।