वसन्त मानन्धरलाई वामदेव गाैतमकाे फाेन `म व्याक भएँ रामवीरलाई सम्झाउनु´

२५ असाेज, काठमाडाैँ । नेपाल कम्युनिष्ट पार्टी (नेकपा) का नेता वामदेव गाैतमले अाफू व्याक भएकाे बताएका छन । नेकपाका काठमाडाैँ जिल्लाका समानुपातिक र प्रत्यक्षमा निर्वाचित भएका प्रदेश सांसदकाे भेलामा सांसद बसन्त मानन्धरलाई फाेन गरेर नेता गाैतमले अाफू व्याक भएकाे बताएका हुन ।

गाैतमले रामवीरलाई सम्झाउन समेत अाग्रह गरेका छन । भेलामा सहभागी सांसद प्रकाश श्रेष्ठले रामवीरकाे राजिनामा र वामदेवकाे हुने भनिएकाे उम्मेदवारीकाे विषयमा छलफल भएकाे बताए । उनले पार्टी हेडक्वाटरले संस्थागत रुपमा निर्णय नगरेकाले तत्कालका लागि केही व्यक्तिकाे इच्छामा उपचुनाव हुन नसक्ने र जवर्जस्ती गरिए त्याे अात्मघाती हुने भनेर नेतृत्वकाे ध्यानाकर्षण गराएकाे बताए ।

भेलामा १७ जना सांसदकाे सहभागिता रहेकाे थियाे ।हाेटल यलाेप्यागाेडामा भएकाे भेलामा २ घण्टासम्म पार्टीका पछिल्ला गतिबिधिकाे समिक्षा भएकाे बुझिएकाे छ ।