कांग्रेस केन्द्रीय समितिको बैठक बस्दै नबसी तीन दिन स्थगित

१९ असाेज, काठमाडाैँ । नेपाली कांग्रेसले शुक्रबारका लागि बोलाएको केन्द्रीय कार्यसमितिको बैठक स्थगित गरेको छ । पार्टीको संशोधित विधान र समसामयिक विषयमा छलफल गर्न आह्वान गरेको बैठक तीन दिनका लागि स्थगित गरेको कांग्रेसले जनाएको छ ।

कांग्रेस केन्द्रीय कार्यालयका मुख्यसचिव कृष्णप्रसाद पौडेलले शुक्रबारका लागि डाकिएको बैठक विशेष कारणबश स्थगित गरिएकाे जानकारी दिए । पाैडेलका अनुसार असोज २२ गते दिउँसो १ बजेका लागि अर्काे बैठक बाेलाइएकाे छ ।