नेकपाका वरिष्ठ नेता माधव नेपालले खोजेका देश बचाउने माझी अाज स्वदेश फर्कदै

१८ असोज, काठमाडाैँ । नेपाल कम्युनिष्ट पार्टी (नेकपा)का अध्यक्ष समेत रहेका प्रधानमन्त्री केपी शर्मा अोली स्वदेश फर्कदैछन । संयुक्त राष्ट्र संघको ७३ औं महासभामा भाग लिएर अोली स्वदेश फर्कन लागेका हुन । प्रधानमन्त्री अोली यसअघि असोज ६ गते महासभा बैठकमा सहभागी हुन अमेरिकाको न्यूर्योक गएका थिए ।

अोली दिउँसो ३.४५ बजे त्रिभुवन विमानस्थलमा काठमाण्डौ अवतरण गर्ने प्रेस संयोजक चेतन अधिकारीले जानकारी दिए । अोली केही दिन देशमा नभएको माैका छोपेर संसद बैठकमा सरकारको सत्ताेसराप गर्ने वरिष्ठ नेता नेपालले देश डुब्न लाग्यो भन्दै माझी खोजेका थिए । त्यसको जवाफ अमेरिकाबाटै दिँदै प्रधानमन्त्री अोलीले देश डुब्दैन म अाउँदैछु भन्ने जवाफ दिएका थिए । अाफ्नो केही निजी स्वार्थ पूरा नभएपछि माधवकुमार नेपाल र उनको नाममा गुटबन्दी गरिरहेका नेकपाका  केही नेताले सरकारको विरोध गर्दै अाएका छन ।