वामदेव गाैतम जहाँबाट चुनाव लडेपनि पराजित गर्छाैँः कांग्रेस प्रवक्ता शर्मा

६ असोज, बाँके । नेपाली कांग्रेसका प्रवक्ता विश्वप्रकाश शर्माले नेकपाले कुनै पनि सिट खाली गरेर वामदेव गाैतमलार्इ चुनाव लडाए पनि कांग्रेसले पराजित गराउने बताएका छन । नेपाल प्रेस युनियन बाँकेले शनिबार नेपालगञ्जमा आयोजना गरेको पत्रकार भेटघाटमा प्रवक्ता शर्माले गौतमका लागि नेकपाले जुन सिट खाली गराए पनि नेपाली कांग्रेस विजयी हुने दाबी गरे ।

उनले कुनै सिट खाली गराएर नेता बामदेव गौतमलाई प्रतिनिधिसभाको उम्मेदवार बनाएमा वर्तमान सरकारको जनमतको परीक्षण हुने बताए । गौतमका लागि यो वा त्यो निर्वाचन क्षेत्रको विषयमा हल्ला गर्नुभन्दा छिटो निर्वाचन क्षेत्र खाली गराएमा आफूहरुलाई निर्वाचनको तयारी गर्न सहज हुने बताए ।