वामपन्थीलाई भोट दिनेहरु पछुताउन थाले, सरकार असफल भयोः महामन्त्री कोइराला

३० भदाै, काठमाडाैँ । नेपाली कांग्रेसका महामन्त्री डा. शशांक कोइरालाले वामपन्थीलार्इ भोट दिएकोमा मतदाताले पछुताउन थालेको बताएका छन । विपी चिन्तन प्रतिष्ठान नेपाल चितवनले शनिबार भरतपुरमा आयोजना गरेको कार्यक्रममा महामन्त्री कोइरालाले वामपन्थीलाई भोट दिनेहरु पछुताउन थालेको टिप्पणी गरे ।

अोली नेतृत्वको वामपन्थी सरकार असफल भइसकेको दाबी गर्दै उनले सरकारका पछिल्ला गतिविधिले असफलता पुष्टि गरेको बताए ।उनले चितवनमा कांग्रेस कार्यकर्ताको भावना लत्याउँदै  कहिले माओवादीलाई त कहिले राप्रपालाई भोट हाल्न लगाएर शेरबहादुर देउवाले गल्ती गरेको भन्दै आफू प्रधानमन्त्री बन्न कार्यकर्ताको भावना लत्याउनु नै गलत भएको बताए ।