गठबन्धनमा सिट बाँडफाँटकाे टुंगाे साेमबार लाग्ने
२६ भदौ, काठमाडौं । सत्ता गठबन्धनले सिट बाँडफाँटको टुंगो लगाउन गठित कार्यदलले बुझाएको प्रतिवेदनमा आधारित भएर थप सहमति खोज्ने प्रयास गरेको छ ।
प्रधानमन्त्री निवास बालुवाटारमा आइतबार बसेको गठबन्धन बैठकमा कार्यदलले बुझाइको प्रतिवेदनमाथि छलफल भएको र सिट बाँडफाँटमा नमिलेका बिषयमाथि सहमति खोज्ने प्रयास भएको नेकपा एकीकृत समाजवादीका नेता झलनाथ खनालले जानकारी दिए । कार्यदलले केही कुरा मिलाएको र धेरै बिषय मिलाउन बाँकी रहेको उनको भनाई छ । खनालले सोमबार बैठक बसेर अधिकांश बिषय टुङ्गो लगााउने जानकारी दिए ।
कांग्रेस नेता कृष्णप्रसाद सिटौलाको नेतृत्वमा गठन भएको सिट बाँडफाँट कार्यदलले प्रतिवेदन शिर्ष तहमा बुझाएको थियो । तर पटक पटक छलफल हुँदा पनि गठबन्धनले सिट बाँडफाँटलाई अन्तिम रुप दिन सकेको छैन ।
प्रकाशित मिति : २६ भाद्र २०७९, आईतवार १३:५६
