अाफ्नै तीन विद्यार्थीलार्इ पालैपालो लिंग चुसाउने हेडमास्टर खिलप्रसाद पौडेल प्रहरी खोरमा

२ भदौ, काठमाडाैँ । अाफ्नै तीन विद्यार्थीलार्इ पालैपालो लिंग चुसाउने हेडमास्टर (प्रधानाध्यापक) खिलप्रसाद पौडेल प्रहरी खोरमा पुगेका छन । पर्वतको फलेबास नगरपालिका–६ स्थित माझीगाँउ प्राथमिक विद्यालयका प्रधानाध्यापक खिलप्रसाद पौडेल जिल्ला अदालत पर्वतको अादेशमा थुनामा पुगेका हुन । पर्वत जिल्ला अदालतका न्यायाधीश दयराम पोखरेलको इजलासको आदेश पछि शुुुक्रबार थप अनुसन्धानका लागि पाैडेललार्इ कारागार चलान गरिएको हो ।

थुनामा परेका प्रअ पौडेलले विद्यार्थीलाई मुख मैथुन गराउँदै आएको गम्भीर अारोप लागेको छ । फलेवास नगरपालिका–६ मा रहेको माझीगाउँ प्राविमा अध्ययनरत सातदेखि बाह्र वर्ष उमेरका तीन बालिका र अर्को एक विद्यालयमा अध्ययनरत सोही उमेर समूहकी अर्की बालिकालाई पटक–पटक फकाएर लिंग चुसाएर अप्राकृतिक मैथुन गराएको अभियोगमा साउन ६ गते उनलाई पक्राउ गरिएको थियो ।

प्रअ पौडेलले करीब एक वर्षअघिदेखि आफ्नो यौनाङ्ग खेलाउन लगाउने र आफूले पनि बालबालिकाको यौनाङ्ग खेलाइदिने गरेको पीडित बालबालिकाले आफ्ना अभिभावकलाई बताएका थिए । अभिभावकले प्रअ पौडेललाई कालोमोसो र जुत्ताको माला लगाउनुका साथै फलेबासस्थित प्रहरी चौकीमा बुझाएका थिए ।–रासस