पूर्वमन्त्री खड्गबहादुर विश्वकर्मा नागढुंगाबाट पक्राउ, कोठामा प्रहरीको छापा
२३ साउन, काठमाडौँ । नेत्रविक्रम चन्द विप्लव नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मा प्रकाण्डाई प्रहरीले पक्राउ गरेको छ । नेपाल प्रहरीको विशेष ब्यूरोेले काठमाडौंको नागढुंगाबाट प्रकाण्डलाई पक्राउ गरेको हो । पूर्वमन्त्री समेत रहेका प्रकाण्डमाथि थप अनुसन्धान भइरहेको स्रोतले बताएको छ ।
पक्राउ परेका प्रकाण्डलाई काठमाडौं प्रहरी परिसरमार्फत मुद्दा चलाइने तयारी गरेको छ । उनी माओवादी नेतृत्वको सरकारमा महिला बालबालिका तथा समाज कल्याण मन्त्रीसमेत बनेका थिए ।
माओवादी पार्टी विभाजनमा वैद्यसमूहमा लागेका उनी पछि विप्लवतिर लागेका थिए । पार्टीको बैठकमा सहभागी भएर राजधानी आउँदै गर्दा उनी नागढुंगाबाट समातिएका हुन् । यसैवीच प्रहरीले बुधबार बिहान कपनस्थित बिकको डेरामा छापा समेत मारेको छ ।
प्रकाशित मिति : २३ श्रावण २०७५, बुधबार १५:१९
