माइतिघरको क्याफेमा केसीको वार्ता टोलीलाई कांग्रेस नेता थापाको निर्देशनः तत्काल वार्तामा नजानु

८ साउन, काठमाडौँ । नेपाली कांग्रेसका नेता गगन थापाले डा गोविन्द केसीको वार्ता टोलीका सदस्यलाई तत्काल वार्तामा नजान निर्देशन दिएका छन । वार्ता टोलीका सदस्यहरु ओमप्रकाश अर्याल, डा सुरेन्द्र भण्डारी र डा अभिषेक राजसिंहलाई संयुक्त रुपमा निर्देशन दिँदै तत्काल वार्तामा नबस्नद थापाले आग्रह गरेका हुन ।

माइतीघरको त्रिष्टल क्याफेको तीन नम्बर टेवुलमा बसेर निर्देशन दिँदै थापाले सरकारलाई घुँडा टेकाएर नैतिक रुपमा कमजोर पार्नुपर्ने बताएका थिए । केसीका तर्फबाट वार्ता टोलीमा रहेका अधिवक्ता ओमप्रकाश अर्यालले अधिकारसम्पन्न वार्ता समितिको नाममा तत्काल वार्तामा नबस्ने तर अाजका लागि अाउने भनिसकेकाले अाैपचारिकताका लागि भए पनि जाने बताएका थिए । पछि गगनले वार्ताका लागि टोली जाने भएपछि अडानका विषयमा उनीहरूलार्इ प्रशिक्षण दिएका थिए ।

उक्त छलफल कार्यक्रममा भर्खरै नागरिक दैनिक छाडेर केसीको अनसन सफल बनउन लागि परेका पत्रकार दीपक दाहाल समेत पुगेका छन । उनीहरू अहिले पनि सोही क्याफेमा रहेर छलफल गरिरहेका छन ।