नेकपाको सूर्यमा यसरी पस्यो हँसिया हथौडा (फोटोफिचर)

१ असार, काठमाडौँ । नेपाल कम्युनिष्ट पार्टी (नेकपा)को सूर्य चिन्हमा हँसिया हथौडाले प्रवेश पाएको छ । नेकपाको दुबै केन्द्रीय कार्यालयको बोर्डमा सूर्यभित्र हँसिया हथौडा रहेको बोर्ड तयार भएको छ ।

तत्कालीन एमालेको केन्द्रीय कार्यालय रहेको हालको नेकपाको हेडक्वार्टर धुम्बाराहीको कार्यालयको मुख्य बोर्डमै सूर्यभित्र हँसिया हथौडा रहेको चिन्ह राखिएको छ । तत्कालीन माओवादी केन्द्रको हेडक्वार्टर रहेको हालको नेकपाको अर्को हेडक्वार्टर कोटेश्वरमा रहेको कार्यालयमा पनि बोर्ड तयार गरेर राखिएको छ तर बाहिरि भने टाँगिएको छैन ।

नेकपाका एक नेताले भने सूर्य चिन्हमात्रै हुँदा बहुमत तत्कालीन माओवादीका नेता र कार्यकर्ता समेतले अपनत्व महशुष नगरेकाले यस्तो सहमति गरिएको र नयाँ बोर्ड तयार गरिएको जानकारी दिए ।