संवैधानिक परिषद्को बैठक बस्दै, परम्परा नतोडिए दीपकराज जोशी प्रधानन्यायाधीश

२९ जेठ, काठमाडौं । संवैधानिक परिषदको बैठक आज साँझ ५ बजे बस्दै छ । प्रधानन्यायाधीशको नाम सिफारिस गर्न बैठक बस्न लागेको हो । परिषदले नाम सिफारिस गरेपछि संसदीय सुनुवाई हुँदै राष्ट्रपतिबाट प्रधानन्यायाधीश नियुक्ति हुने संवैधानिक व्यवस्था छ । संसदका दुवै सदनको नियमावली पारित भएसँगै संसदीय सुनुवाई विशेष समिति गठनको बाटो खुलेपछि सिफारिसका लागि बैठक बस्न लागेको हो ।

यसअघि न्यायपरिषद सचिवालयले बरिष्ठताका आधारमा क्रमशः कामु प्रधानन्यायाधीश दिपकराज जोशी, ओमप्रकाश मिश्र र चोलेन्द्र शमसेर जबराको नाम सिफारिस गरेको छ । यदि परम्परा ताडिएन भने बैठकले दीपकराज जोशीलाई प्रधानन्यायाधीशका लागि सिफारिस गर्नेछ ।