अनुष्का र श्रृंखलाले बनाइरहेको प्रोजेक्ट अवलोकन गर्न मिस वर्ल्ड टोनी नेपाल आइपुगिन्

२२ फागुन, काठमाडाैँ । तीन दिन लामो भम्रण तय गरेर ‘मिस वर्ल्ड २०१९’ टोनी एन सिंह नेपाल आइपुगेकी छिन् । बिहिबार नेपाल आइपुगेकी टोनीलाई मिस नेपाल वर्ल्ड अनुष्का श्रेष्ठले त्रिभुवन अन्तरराष्ट्रिय विमानस्थालमा स्वागत गरेकी थिइन् ।

मिस नेपाल वर्ल्ड २०१९ अनुष्का श्रेष्ठ र मिस नेपाल वर्ल्ड २०१८ श्रृंखला खतिवाडाले बनाइरहेको प्रोजेक्ट अवलोकन गर्न टोनी नेपाल आएकी हुन् ।

उनि शुक्रबार हेलम्बु पुगेर त्यहाँ निर्माण भइरहेको हिमालय ग्रेट ट्रेल अवलोकन गर्नेछिन् । हेलम्बुकै सोल्सिङ गाउँमा अनुष्काले गरिरहेको प्रोजेक्‍ट पनि टोनीले हेर्नेछिन् । त्यसपछि टोनी मकवानपुर पुगेर पूर्व मिस नेपाल श्रृंखला खतिवडाले गरिरहेको प्रोजेक्ट अवलोकन गर्नेछिन् ।

अनुष्का र श्रृंखला दुवै मिस नेपालले बनाएकाे प्रोजेक्टको भिडियो देखाएर मिस वर्ल्डमा ‘ब्युटी युथ पर्पोस’को टाइटिल हात पारेका थिए ।