सेल्फी किङ र साङ्लोको भिडन्त

२४ माघ, काठमाडौं । नेपाली फिल्म बजारमा आज २ वटा चलचित्र भिड्दै छन् । विशाल सापकोटाले निर्देशन गरेको सेल्फी किङ र विराज भट्टले निर्देशन गरेको साङ्लो आज रिलिज हुँदै छन् ।

उसो त साङ्लोमा विराज आफैं नायकका रुपमा देखिँदै छन् । ट्रेलरअनुसार उनी एक्सन अवतारमा देखिएका छन् । साङ्लो प्रेम कथासँगै एक्सन जनरामा बनेको छ । साङ्लोमा सहरमा एकले अर्कालाई कुल्चिएर हिँड्ने, ठूलाले सानालाई थिचेर हिँड्ने प्रवृत्ति, सत्ता र शक्तिको खेल चलचित्रमा देख्न सकिने निर्माण पक्षले जनाएको छ । विराजलाई पूर्वमिस नेपाल निकिता चण्डकले साथ दिएकी छन् ।

यता विपिन कार्की र लक्ष्मी बर्देवाले अभिनय गरेको चलचित्र सेल्फी किंङ पनि निकै सशक्त बनेको छ । अब आज शुक्रबार दुवै नेपाली फिल्म जुध्दा व्यापार कस्तो हुने हो त्यो त समयले नै देखाउला । अहिलेलाई हामी यत्ति भन्न सक्छौं- दुवै चलचित्रले राम्रै व्यापार गरोस् । शुभकामना ।