यस्तो बन्यो ‘प्रेम गीत ३’ को ‘हात्ती ढुंगामा’… (भिडियोसहित)

२२ माघ, काठमाडौं । नेपाली चलचित्र ‘प्रेम गीत ३’ को पहिलो गीत सार्वजनिक भएको छ । मुस्ताङमा खिचिएको यो गीत युट्युबमार्फत सार्वजनिक गरिएको हो ।

‘हात्ती ढुंगामा’ बोलको गीतमा सागर आले र मेलिना राईको स्वर सुन्न सकिन्छ । गीत हर्क साउँदले लेखेका हुन् । कल्याण सिंहले भने संगीत भरेका छन् । गीतमा प्रदीप खड्का, क्रिष्टिना गुरुङ, सुनील थापालगायत फिचरिङ छन् ।

गीतको निर्देशन भने कविराज गहतराजले गरेका हुन् ।

चैत २८ देखि प्रदर्शनमा आउने चलचित्रमा छेतेन गुरुङ र सन्तोष सेनको निर्देशन छ । चलचित्रमा शिव श्रेष्ठ, सन्तोष सेन, माओत्से गुरुङ, मनीष राउत, पुष्कर गिरी, प्रेम पुरी, अनुभव रेग्मी, लक्ष्मी बर्देवालगायत कलाकारको अभिनय देख्न सकिन्छ ।