‘सोल्टीनी बिनाको साकेला’ मा राजेश र विल्सन (भिडियोसहित)
२० माघ, काठमाडौं । गायिका तारा नुमिहाङ् बान्तावा राईको ‘सोल्टिनी बिनाको साकेला’ गीत सार्वजनिक भएको छ । उनालाई राजेशपायल राईले साथ दिएका छन् ।
भिडियोमा मोडलका रुपमा भने कलाकार विल्सनविक्रम राई तथा एलिसा राईलाई देख्न सकिन्छ । दिवंगत अर्जुन खालिङ्ग राईको शब्द तथा आशुतोष राईको संगीत, शोक लोहोरुङ राईको संगीतसंयोजन रहेको गीतको भिडियोमा हराउँदै गएको साकेला नृत्यलाई देखाउन खोजिएको छ ।
भिडियोलाई विल्सनले नै निर्देशन गरेका हुन् । गीतको भिडियोमा राजेशपायालसँगै विक्रम धिमाल, सुजन राई, पुजन राई फिचर्ड छन् ।
भिडियोमा राजीव कुमारको कोरियोग्राफी र मनोज कार्कीको सम्पादन छ । विक्रम डीसीले भिडियोको छायांकन गरेका हुन् ।
प्रकाशित मिति : २० माघ २०७६, सोमबार ०८:१२
