हलिउडमा जम्दै प्रियंका

१७ माघ, काठमाडौं । बलिउड अभिनेत्री प्रियंका चोपडा हडिउडमा स्थापित हुँदै छिन् । अभिनय र सेक्सी लुक्सका कारण उनलाई हलिउडमा स्थापित हुन सहज भएको एजेन्सीहरुले समाचारमा जनाएका छन् ।

उसो त प्रियंका हलिउडका स्थापित कलाकार रिचर्ड मेडेनसँग नयाँ सिरिजमा हालै मात्र अनुबन्धित भएकी छन् । यसअघि पनि केही हलिउड फिल्महरुमा अभिनयको जादु छर्न सफल प्रियंका यो सिरिजमा अनुबन्ध भएसँगै निकै उत्साही पनि बनेकी छन् । गत वर्ष हलिउड कलाकार निक जोनससँग विवाह गरेकी प्रियंका हलिउडमै स्थापित हुँदै छिन् ।

यसका लागि प्रियंकालाई निकको पनि साथ छ । निककै पहलमा प्रियंका अर्को फिल्म ‘म्याट्रिक्स–४’ मा पनि अनुबन्धितको अन्तिम चरणमा छिन् । यो फिल्मका लागि प्रियंकाको अडिसन सकिएको एजेन्सीहरुले खुलाएका छन् । प्रियंकाले हलिउड फिल्म बेवाच, इजन्ट इज रोमान्टिकमा अभिनय गरिसकेकी छन् । उनले अमेरिकन सो क्वान्टिकोमा पनि काम गरिसकेकी छन् । –एजेन्सी