स्पेनिस ला लिगा : भ्यालेन्सिया २-० ले विजयी
१२ माघ, काठमाडौं । स्पेनिस ला लिगा फुटबलमा घरेलु टोली भ्यालेन्सिया २-० ले विजयी भएको छ । भ्यालेन्सियाले बार्सिलोनालाई २-० को हार चखाउन सफल भयो । यो नतिजासँगै बार्सिलोना स्तब्ध बनेको छ ।
शनिबार रातिको खेलमा हारसँगै बार्सिलोनाले ३ अंको अग्रता लिने आफ्नो अवसर भने गुमाएको छ । बार्सिलोनाका जोर्डी अल्बोको आत्मघाती गोलसँगै भ्यालेन्सियाले ४८औं मिनेटमा अग्रता लिएको थियो । ७७औ मिनेटमा म्याक्सी गोमेजले गोल गर्दै घरेलु टोलीको जित सुनिश्चित गरेका थिए ।
खेलको १२ औं मिनेटमा भ्यालेन्सियाका ड्यानी गोमेजको पेनाल्टी प्रहारलाई बार्सिलोनाका गोलकिपर टेर स्टिगेनले उत्कृष्ट बचाउ गरेका थिए ।
क्विक सेटियन बार्सिलोनाको मुख्य प्रशिक्षकमा आएपछि यो पहिलो हार हो । साथै सन् २००७ पछि घरेलु मैदानमा भ्यालेन्सियाले बार्सिलोनामाथि पहिलो जित आफ्नो खातामा दर्ता गराएको छ ।
बार्सिलोनाको २० खेलबाट ४३ अंक छ । भ्यालेन्सिया ३४ अंक जोड्दै तालिकाको पाँचौं स्थानमा उक्लिएको छ ।
प्रकाशित मिति : १२ माघ २०७६, आईतवार ०७:४५
