प्रथम नुवाकोट गोल्डकपको ‘म्यान अफ दी म्याच’ को पुरस्कारका लागि साकुराको प्रायोजन

२३ वैशाख, नुवाकोट ।  प्रथम नुवाकोट गोल्डकप फुटवल प्रतियोगिताका लागि साकुरा नेपाल कन्सल्टेन्सीले ‘म्यान अफ दी म्याच’ को पुरस्कारका लागि प्रयोजन गर्ने भएको छ । आगामी जेठ १७ गतेदेखि २६ गतेसम्म संचालन हुने प्रथम नुवाकोट गोल्डकप फुटवल प्रतियोगिताकाे ‘म्यान अफ दी म्याच’ को पुरस्कारका लागि साकुराले प्रयोजन गरेको प्रबन्ध निर्देशक अनुजकुमार श्रेष्ठले बताए ।

उनले पुरस्कारका लागि एकमुष्ठ ९० हजार रुपैयाँ सहयोग उपलब्ध गराएको बताए । एन्फा नुवाकोटका उपाध्यक्ष उद्धव पनेरूले प्रतियोगिताको प्रत्येक खेलमा ‘म्यान अफ दी म्याच’ बन्ने खेलाडीहरुका लागि साकुराले उपलब्ध गराएको रकमबाट पुरस्कृत गर्ने जानकारी दिए । उपाध्यक्ष पनेरूका अनुसार जिल्ला खेलकुद बिकास समिति नुवाकोट र नुवाकोट जिल्ला फुटबल संघको आयोजनामा हुने नुवाकोट गोल्डकप फुटबलमा ‘ए’ डिभिजन कल्वहरु र नुवाकोट ११ ले सहभागिता जनाउनेछन ।