डोटीको जोरागाँउमा जीप दुर्घटना हुँदा ३ जनाको मृत्यु, १६ जना गम्भीर घाइते

८ बैशाख, काठमाडौ । डोटीमा शनिबार फेरि जीप दुर्घटना भएको छ । दुर्घटनामा ३ जनाको घटनास्थलमै मृत्यु भएको छ भने १६ जना गम्भीर घाइते भएका छन । घाइतेमध्ये ४ जनाको अवस्था चिन्ताजनक रहेको छ ।

दिपायलबाट शिखर नगरपालिका –३, जोरागाँउ गैरहेको ग १ ख ५२७५ नम्बरको महिन्द्रा बोलेरो जीप दुर्घटनामा परेको इलाका प्रहरी कार्यालय दिपायलका प्रमुख प्रहरी नायव निरीक्षक दिलबहादुर कुँवरले जानकारी दिए । कुँवरका अनुसार दुर्घटनामा शिखर नगरपालिका–३, कि ३२ वर्षीया कट्टी सार्की, १४ वर्षीय सुरज भुल र ४० वर्षीया खिनतोली भुलको मृत्यु भएको छ ।