हाँसो भन्दा आँशु धेरै हुने भित्रै पर्छु (कविता)
–तुलसी न्याैपाने
हाँसो भन्दा आँशु धेरै हुने भित्रै पर्छु
कहिलेकाही एकान्तमा रुने भित्रै पर्छु ।
यादहरु अमर छन स्मृतिका ती पानामा
पागलप्रेमी भाकी थिए कुनै एक जमानामा
ती यादहरु आँशुले धुने भित्रै पर्छु
हाँसो भन्दा आँशु धेरै हुने भित्रै पर्छु ।
घाँस, दाउरा, मेलापात गर्न मलाइ सप्पै आउछ
बेलाबखत गाइभैँसी नि दुने भित्रै पर्छु
हाँसो भन्दा आँशु धेरै हुने भित्रै पर्छु ।
बोकेकै हो चिसो बालुवा, कुटेकै हो गिट्टी पनि
छिनोदेखि हम्मरसम्म छुने भित्रै पर्छु
हाँसो भन्दा आँशु धेरै हुने भित्रै पर्छु ।
दुःखसँग भागेर टाढा जानु छैन मलाइ
उसैसँग (दुःख) हाँस्ने अनि रुने भित्रै पर्छु
हाँसो भन्दा आँशु धेरै हुने भित्रै पर्छु ।
प्रकाशित मिति : ६ फाल्गुन २०७४, आईतवार ११:४९
