सुनको मूल्य बढ्यो, कतिमा हुँदैछ कारोबार ?

१० असोज, काठमाडौं । नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार यस दिन सुनको मूल्य तोलामा एक हजार २०० रुपैयाँले बढेर छापावाल सुन प्रतितोला दुई लाख २२ हजार ५०० रुपैयाँमा कारोबार भइरहेको छ । बिहीबार छापावाला सुन प्रतितोला दुई लाख २१ हजार ३०० रुपैयाँमा कारोबार भएको थियो ।

यस दिन चाँदी तोलामा ५५ रुपैयाँले बढेर प्रतितोला २ हजार ७४० रुपैयाँमा कारोबार भइरहेको छ । यो मूल्य हालसम्मकै उच्च हो । बिहीबार  चाँदी दुई हजार ६८५ रुपैयाँमा कारोबार भएको थियो ।