क्यारेवियन प्रिमियर लिगको खेल तालिका सार्वजनिक

७ माघ, काठमाडाैँ । क्यारेवियन प्रिमियर लिग (सीपीए)  क्रिकेटको खेल तालिका सार्वजनिक भएको छ। खेल तालिका अनुसार अगस्ट २१ देखि सेप्टेम्बर २१ सम्म प्रतियोगिता चल्ने छ ।  लिगका खेलहरु ट्रिनिडाड एण्ड टोबागो र गुयनामा हुने छ सीपीएलले जनाएको छ ।

सीपीएलको पछिल्लो संस्करणमा नेपाली युवा लेग स्पीनर सन्दीप लामिछाने खेलेका थिए । जसमा उनी उत्कृष्ट इकोनोमिकल बलरसमेत बनेका थिए । ४ दशमलव ५५ को इकोनोमीमा रन दिएका सन्दीपले ५ विकेटसमेत हात पारेका थिए ।

सीपीएलको मिति तोकिएसँगै अब खेलाडी अक्सनको तालिका पनि सार्वजनिक गरिने जनाइएको छ । पछिल्लो सिजनमा सेन्ट किट्समा आवद्ध भएका सन्दीपको आउँदो संस्करणबारे कुनै निर्णय भएको छैन ।